സോഹന്‍ലാല്‍ ഭരതവാല്‍മീകി - 7 വര്‍ഷത്തെ ജയില്വാസം കഴിഞ്ഞ്‌ ശിഷ്ടകാലം ജീവിച്ചുതീര്‍ക്കുന്നു.അരുണാ രാമചന്ദ്ര ഷാന്‍ബാഗ്‌ - കഴിഞ്ഞ 38 വര്‍ഷങ്ങളായി ശിക്ഷയനുഭവിച്ചുകൊണ്ടിരിക്കുന്നു.
ഇവര്‍ ..
ഒന്നാമന്‍ ചെയ്തകുറ്റത്തിന്‌ ശിക്ഷയനുഭവിച്ച്‌ കഴിഞ്ഞു...???
രണ്ടാമത്തെയാള്‍ ചെയ്യാത്ത കുറ്റത്തിന്‌ ഇന്നും ശിക്ഷയനുഭവിച്ചുകൊണ്ടിരിക്കുന്നു. ഒരു പക്ഷേ, മനസ്സുകൊണ്ടെങ്കിലും 'എന്നെയൊന്നു കൊന്ന്‌ തരൂ' എന്ന്‌ നിരന്തരം വിലപിക്കുന്നുമുണ്ടാവും. നമ്മുടെ നിതിന്യായവ്യവസ്തയില്‍ ദയാവധത്തിനുള്ള ഭാഗ്യം പോലും നിഷേധിക്കപ്പെട്ട്‌, ആശുപത്രിക്കിടക്കയില്‍ വേദനതിന്ന്‌ കഴിയുന്നു.
മുംബായ്‌ കെ.ഇ.എം. ഹോസ്പിറ്റലിലെ നഴ്സായിരുന്നു അരുണ. സോഹന്‍ലാല്‍ അതേ ഹോസ്പിറ്റലിലെ വാര്‍ഡ്‌ ബോയിയും. നവംബര്‍ 27, 1973 രാത്രി വസ്ത്രം മാറിക്കൊണ്ടിരുന്ന അരുണയുടെ കഴുത്തില്‍ പട്ടിയെ കെട്ടുന്ന ചങ്ങല കൊണ്ട്‌ മുറുക്കി ശ്വാസം മുട്ടിച്ചതിന്‌ ശേഷം സോഹന്‍ലാല്‍ അരുണയെ ക്രൂരമായ ലൈഗീക പീഡനത്തിന്‌ വിധേയയാക്കുകയായിരുന്നു.
സോഹന്‍ എന്ന വേട്ടമ്ര്യഗത്തിന്റെ പരാക്രമങ്ങള്‍ക്കിടയില്‍ ബോധമറ്റ അരുണക്ക്‌ പിന്നെ ബോധം വന്നിട്ടില്ല. ബ്രെയിന്‍ സ്റ്റെമ്മിനേറ്റ ചതവും സെര്‍വിക്കല്‍ കോര്‍ഡിനേറ്റ പരിക്കും അരുണയെ ഒരു ജീവച്ഛവമാക്കി.
സഹപ്രവര്‍ത്തകരും ഹോസ്പിറ്റലും അരുണയെ മറന്നില്ല, കൈവെടിഞ്ഞില്ല. ഇന്നും അവര്‍ അരുണയെ പരിചരിക്കുന്നു. വേണ്ടുന്ന ചികില്‍സ നല്‍ക്കുന്നു. പക്ഷേ, പീഡനത്തിന്‌ പിന്നാലെ നീതി നടപ്പാക്കാനും, ജോലിചെയ്യാന്‍ മെച്ചപ്പെട്ട അന്തരീക്ഷം ആവശ്യപ്പട്ട്‌ സമരത്തിനിറങ്ങിയവരൊക്കെ ഇന്നെവിടെ ?
ക്രൂരമായ പീഡനം മറച്ചുവച്ച്‌, മോഷണത്തിനും വധസ്രമത്തിനും കേസ്‌ ചാര്‍ജ്ജ്‌ ചെയ്ത പോലീസ്സ്‌ സോഹന്‍ലാലിനെ രക്ഷിക്കുകയായിരുന്നോ.. അതോ അരുണയുടെ ഭാവിജീവിതം ബാധിക്കപ്പെടാതിരിക്കാന്‍ കരുതിക്കൂട്ടി ചെയ്തതാണോ. ഭാവിതന്നെ ഇരുളിലായവള്‍ക്ക്‌ എന്ത്‌ ഭാവി.
അരുണയുടെ സുഹ്ര്യത്ത്‌ സമര്‍പ്പിച്ച ദയാവധ ഹര്‍ജ്ജി സുപ്രീം കോടതി തള്ളിയിരിക്കുന്നു. ദയാവധം സംബന്ധിച്ച്‌ നിയനിര്‍മ്മാണം വേണമെന്ന്‌ ബെഞ്ച്‌. നല്ല കാര്യം.. പക്ഷേ അത്‌ എന്ന്‌.. ആശുപത്രിക്കിടക്കകള്‍ അരുണമാരെക്കൊണ്ട്‌ നിറഞ്ഞിട്ടോ ?
ഫെമിനിസവും, സംവരണവും കൊണ്ടൊന്നും നിങ്ങള്‍ നന്നാവാന്‍ പോകുന്നില്ല എന്നല്ല.. നിങ്ങള്‍ നന്നാവില്ല. സ്വാതന്ത്ര്യം നിങ്ങള്‍ക്ക്‌ ഇന്നും അപ്രാപ്യം തന്നെ. നിങ്ങള്‍ അബലകളല്ല എന്ന തോന്നല്‍ നിങ്ങള്‍ക്ക്‌ ഉണ്ടാവാത്തിടത്തോളം.
ഇന്ന്‌ വനിതാദിനം.. അരുണ, ബന്വ്‌ആരി ദേവി, മൈമൂന്‍.. പോയ വനിതാദിനത്തേക്കാളും പേരുകള്‍ നീളുന്നു. ഇനിയും എത്രതന്നെ നീണ്ടാലും, കണ്മുന്നില്‍ പാഠങ്ങള്‍ തെളിഞ്ഞ്‌ നിന്നാലും പഠിക്കാത്ത നിങ്ങള്‍ക്കായിട്ടെന്തിനാ ഒരു ദിനം.. വനിതാദിനം. കൊണ്ടാലും കൊണ്ടാലും പഠിക്കാത്ത, കൊള്ളുന്തോറും കുനിഞ്ഞ്‌ പുറം കാട്ടിക്കൊടുക്കുന്ന കഴുതകളായ നിങ്ങള്‍ക്കാണോ ഈ ദിനം ?
ഈ അടിമത്വം മാറി നിങ്ങള്‍ക്കായി ഒരു നല്ല നാളെ പുലരട്ടേയെന്ന ആത്മാര്‍ത്ഥതയോടെ .. ഒരു വനിതാദിനം ആശംസിക്കുന്നു.
No comments:
Post a Comment